Pride and Prejudice

Μįstạkéŋ Idέnti...'s profileΜįstạkéŋ IdέntitýPhotosBlogListsMore

Tools

Help

< Previous Next >

November 11

السلام عليكم ورحمة الله وبركاته

كييييييف حالكم هاليومين ؟؟

الجو يجنن صح << وش جاب سيرته >>> بس كأنه قرب الشتاء بس انا ماافضله لاني بالشتاء اتعيييييجز اتحرك مرررره مافيه اي طاقه ابدا الا لإستقبال المشوربات والأكل الحار بسسسس فقط لا غيييير الله يعيننا ويعنكم يارب

بس جد احلى شي لما افكر فيه اني جالسة على الاريكة >>> لووول الكنبة

وانا متلحفة بذيك البطانية >>> الخفيفة ماادري وش يسمونها <<< ومعي شراب شكولاته ساخنة وعلى موفي " فيلم " رااايق ياسلاااااام

الموهيم الله يطرح لنا البركه في جميع ايامنا ان شاء الله

انا ذاك اليوم قلت خليني ابدا اكتب عن الروايات والافلام اللي رازتها هنا لووول

وقلت خليني ابدا في عشقي الابدي

Pride and Prejudice

للكاتبه

Jane Austin

::: الرواية :::

بداية العشق لهاذي القصة الرائعه يوم كنت في المتوسط تقريباً

اختي الكريمة كانت قارية القصة وجابت الفيلم >> هو مو فيلم هو مسلسل تلفزيوني <<< ولما كانوا اخواتي يشوفونه طبعاً نشبت فيهم الا اقعد معكم لوووول وشفت الفيلم طبعاً ثلاث ارباعه مافهمته بس مشي الحال شفته كله لووول

هي اختي قارية الرواية لانها كانت بتدرسها على الترم الجاي >> ماشاء الله شاطره وناسة دراستهم هاذي +_+ <<

احم احم الموهيم

بعد سنوات وسنوات وكبرت مستكه وشرت الرواية +_+ طبعاً مترجمة وانجنيييييييييييييييت عليها مرررره

قصه رااااااائعه فعلاً ماالوم الجامعات وهم يدرسونها من الادب الانجليزي

فعلا القصة تحمل اسمها " كبرياء و تحيّز " على فكره انا شريتها تحت مسمى كبرياء وهوى خييير ان شاء الله ههههههههههههههه ابو التحريف هههههههههههههههههه انا مافهمت معنى

الا لما قريت الرواية Prejudice

::: Jane Austin :::

تاريخ ميلادها 16 / 12 / 1775 م ، في هامشاير انجلترا

وماتت سنه 18 / 7 / 1817 م

تلقت تعليمها في المنزل ،، وكان لها اخت وحيدة اكبر منها

جاين لم تتزوج ابداً في حياتها ،، وماتت بين يدي اختها كساندرا

لها كتب عديده ،، راح اذكر لكم اللي اعرفهم طبعا،، الكتاب الوحيد اللي قريته لها هو برايد اند بريجدس

Sense and Sensibility

شفته فيلم ،، قصته حلوة ورايقة عن معاناة ام و3 بنات اللي ابوهم مات وتركهم من غير شي طبعاً ذاك الوقت كانوا النساء مايرثون ازواجهم او آبائهم

وطبعاً الام مييييته بتزوج بناتها الكبار ،، وتبداً الاحداث :D

Pride and Prejudice

طبعاً مايحتاج راح اتكلم عنه بالتفصيل اكثر :D

Emma

هذا كمان شفته فيلم ،، اممم حلو مو شين بس اللي مثلت دور ايما هي جويندث بالترو ،، اممم مو مرره حلو الدور عليها

بس القصة روعه انها وحده مسوية نفسها تعرف كل شي لووول وانها تشتغل زي تعرف الناس ببعض علشان يتزوجون

>> والله فاضية

بس النهاية رووووعه ،، نهاية تطيب الخاطر لوووول :D

Persuasion

هذا ماشفته فيلم لسه ولا قريت الكتاب بس رازته هنا بس علشاني اعرفه

لوووول الفيلم جاي بالطريق ان شاء الله

>> عساه يوصل بالسلامه >> توني قبل اسبوع طالبته

بس من جد متحمممممممممممسه مررره له يارب يوصل بالسلامه ههههههههههه

هو على اللي فهمته من اللي قريته :D

انه قصة وحده بتتزوج واحد >> لا والله >> واهلها يرفضونه عاد السبب ايش ماادري شكله فقير الولد مسيكين

بس حلاة القصه انه يرجع بعد كم سنه شي ثااااااااااااااني ولا يعطيها وجه وماادري ايش وهي مااتدري وين الله حاطها لوووول عاد نشوف الفيلم واقولكم ان شاء الله

على فكره جاين اوستن كل كتبها نشرت لمجهول يعني مانشرت اسمها فيها :) وكمان هي فصيحة باللغة الفرنسة والاسبانية >>> هاذا وهي دارسة بالبيت >>> لوووول

::: القصة :::

هي قصه اليزابيث بينيت بنت بسيطة من عائلة بسيطة مكونه من خمس بنات الاولى الحلوة الامورة جاين اللي تتصف

بالجمال بس انها بسيطة جداً وحساسة وغير كذا تفكر دايماً بشكل ايجابي بالناس

واليزابيث الثانية وهي جمالها بسيط وهي البنت الذكية في العائلة وصاحبة العقل الرزين :)

وبعدها تجي ماري بصراحة ماادري وش اقول عن ماري لانها هادية مرررره وغير كذا غريبة لووول تحب البيانو مرره

وبعدها تجي كيتي وليديا هذولا طبعاً صغار العائلة ومهابيلها لووووول

القصة مااتتمحور بس على اليزابيث بس اخواتها يتدخلون بشكل قوي في قصتها مع البطل السيد دارسي المتكبر جداً اللي هو صديق عزيز لجارهم >>> حلوة جارهم ايه قولي صاحب الارض اللي جنبهم مو بيت لوووول >>> وهو صديقة العزيز

ايه نسيت اذكر ابو وام اليزابيث ،، ابوها تحسونها هي طالعه عليه حبيب وهادي ومطنش لووول ،، وامها هههههههههههههه امها فظيييييييييييعه بس تبغى تزوج بناتها وهي وحده ثرثارة مررره وبدل لا تزوج بناتها بالعكس تخرب عليهم،، تموت من الضحك بس من جد بعض الاحيان تقهر تجيب الضغط

>_<

الرواية شخصياتها كثيرة ومتداخلة ببعض ،، ماابي اخربها عليكم،، من جد رواية قبل لا تصير رائعه هي ممتعه درجة اولى

::: الفيلم التلفزيوني الخاص بالرواية :::

انا طبعاً اول ماقريت الرواية على طول طلبت الفيلم ،، هو مو فيلم هو مسلسل تلفزيوني

من انتاج الــ بي بي سي سنه 1995م ،، يمكن بعضكم شافه على البحرين الانجليزية فظيعه على هالمسلاسلات وهو عبارة عن 6 حلقات mini series

ومجملها خمس ساعات >> عن تجربه >> قعدت عليه مرررره وحده بصراحة لان حلاتها تشوف السالفة كاملة

الفيلم كل الممثلين فيه بريطانيين على مااظن ومافيه احد مشهور فيهم بس اللي اشتهر بعد هالفيلم هو كولن فيرث اللي مثل دور دارسي لانه بصراحة ادى دور مررره صعب وشي فظيييع اتقنه اتقان ماابالغ فيه مااخذ شهرته الا من هالفيلم بس جد كل الممثلين رائعيين واتعبوا على الادوار ماالومهم مساكين

لا والله ترا مافكرو فيك >> كلهم ابدعوا حسيت جد شخصيات الرواية هي نفسها بالفيلم لانهم بصراحة تعبوا عليه الفيلم عموماً جد متعوب عليه >>

فيه فيلم للرواية جديد يمكن شفتوه بطولة كيرا نايتلي ،، احلى شي فيه بصراحة كيرا لوووول

والا الفيلم مااعجبني فيه تغييرات بالقصة مااعجبتني ماحسيت انا ضابطه مع القصة ،، بس على قولتهم علشان تصير القصة

للسناريو السنمائي

زي فيه واحد من المشاهد المعدله اللي مادخلت مزاجي مثل: يوم تجي الليدي كاثرين دي بورغ في نص الليل علشان تكلم اليزابيث " هذا بالفيلم الجديد " مادخلت مزااااااجي ابداً ويييين رايقه ذا العجوز بنص الليل جاية لوووول

اتذكر يوم شريته " هذا الفيلم التلفزيوني ^^ " وعطيته صديقاتي الخيانة الكبرى صارت يوم شغلوه في الدوام >_< وثلاث ارباع الكلاس قاعدين يشوفونه

طبعاً لقطات مايمديهم لووول " القهر >_< اني كنت غاااابية "

خيااااااااااااااااااااااااااااانة T_T

نصيحة مني اقرأو القصة اول اذا اعجبتكم اشترو المسلسل ^_^ وانا اتوقع ان شاء الله راح تعجبكم

وحياكم الله ،، وعساني هالمره اشوف ردود تكسر الدنيا

BBC Drama: Pride and Prejudice

9:05 PM | Blog it

Comments (8)

To add a comment, sign in with your Windows Live ID (if you use Hotmail, Messenger, or Xbox LIVE, you have a Windows Live ID). Sign in

Don't have a Windows Live ID? Sign up

	Μįstạkéŋ Idέntitýwrote: هلااااااااااااااا بالغالية جوري >>>> لحظة لحظة هذا انتي صح يابنت ليه ماتكتبين اسمك آخر شي جوري :D بس ولو انتي الحلوة اللي تنعرف من مليون وحدة انتي صديقتي وحبيبتي بس ولو خااااينة هاذي وحده من الخيااااااااانه T_T ايه بس ياحبي لك من جد الإعتراف بالحق فضيلة انا اللي جبته وانتو اللي شفتوه بالميني سينما لوووووول حلاااااااال عليكم ولوووو :D ايييييييه من جــــــــــــــد دارسي جنتل مان شوي عليه لووول (H) بس امك (( ههههههههههههههههههههههه فظيييييييييييعه )) اي لوف هير تووووو من جد كل ام تبغا مصلحة بناتها ×_× زي ام اليزابيث خخخخخخخخخ بس اقولك يور مام از ذووووووق :D ههههههههههه ياعمري لين الحين دافنشي كود بقلبك وش اسوي طيب بكمبيوترك المعفن اللي مقابلته 6 ساعات في اليووم <<< قولي يكتب خطابات ويسوي جداول خلاص بس هذا اهم شي :p بس تدرين مااشتغل الفيلم عندي : ( طلع مافيه صوت بس اهم شي اني شففففففته نانانا :p بعد معاناة طويلة اوووووكي ان شاء الله واحد كلام زيادة عن شفيرة دافنشي وصلحوه قريب ان شاء الله راح اكتب عنه :) انا كم جوري عندي LOVE ya girl (F) ^.^ Nov. 20
	jourywrote: سلامووووووو صبايا يعطيكِ الف عافية خيتووو عاد اليوم الاحد اكتب لك وانا متلحفة بالباطانية واتجرع كاس الزنجبيل << مر ما احبه بس اني مريضة :( برايييييد اند برجيديس فظيعععععع مررررررة اذكر اول مرة اشوفه قاعدة بس اتمنى اني مكان البطلة شوي بس:) هههههه وابي واحد اطخم مثل هالجنتل مان عاد مرة شفناه بالمعهد وخلينا العرض كانه دخول لميني سينما وسوينا جوووو مع الجالكسي مستيكن اهي الي جابت الفلم وانا شفته مع القروب واخذت الدي في دي وروقت عليه 3 اسابيع انا وبنات خالاتي وجميع الاهل والاصدقاء :) < حشى غزوو بس مامي خقت وسبهت عند مستر دارسي تقول : يا ملحــــــه كشـــــــخة هالادمي ، ابزوجكن ناس تشبهه هههههههه ماي دير مامي اي لوووف يوووو <<< مضيعة الطاسة مستيكن تكلمي بالتفصيل عن شيفرة دافنشي الي جبتيه ولا اعطتيتنيه :( لوول Nov. 20
	Μįstạkéŋ Idέntitýwrote: هلا والله بسارة حياك الله ،،، انتي الذوق تسلمين لي من جد القصة روعه ،، اهم شي البلوق أعجبك ^^ وعلى الرواية ،، إذا كنتي تحبين هذا النوع من الروايات اكيد راح تعجبك بس انا دايماً اقول افضل اني اقرأ الرواية قبلا لا اشوف الفيلم مشكورة على المرور سارة see ya ^.^ Nov. 18
	No namewrote: مرحبا مستكينة كيفك وحشتيني بصراحة الفيلم روعــــــة انا اتذكر كتبت عنه من تقريبا ثلاثة اشهر بس مرة حلو ورومانسي ذوقك راقي يعطيك العافية بس الرواية ماقريتها للاسف تحياتي لك ودمت بحب Sarah Nov. 18
	Μįstạkéŋ Idέntitýwrote: ياهلا والله بشيخة البنات ههههههه ضحكتيني يوم قلتي ابلشونا بالترجمات حقت الرواية من جد كل شوي طالعين بأسم بس اهم شي انك شايفة الفلم التلفزيوني حقها هو نفسة اللي تكلمت عنه اول شي ؟؟؟ اذا هو روعه صح؟؟ :D امممم الفيلم ايه شوفيه بس اذا فضيتي اللي هو حق كيرا ،، ياختي من جد الحين عندي افلام مهمه (( اسمعي مهمه ههههههه )) بس الى الان ماشفتها مقضية وقتي كله في النت والنوم ههههه وطبعاً الدواام :( من جد رواية برايد اند بريجدس كلها إبداع حتى بصراحة لا يمكن مقارنتها ببنات الرياض وعععع وههههههه لا تخافين مااتوقع فيه احد من المعجبين برواية بنات الرياض هنا عندي ،، والكل له رأية والكل له حرية في التعبير عن رأية وانتي بالذات خذي راحتك هنا :D ياعمري انتو بعد عندكم بلوى اكبر من رجا لووووول :p اللي تطلع الخرابيط كلها على التلفزيون بس من جد توني ادري ان مسلسلاتها ممنوعه من تلفزيون الكويت اي والله احسن بس تدرين هالاأشكال من الكتاب والكاتبات وش يبغون غير الشهرة ،، للأسف اوكي يكتبون الواقع مع ملاحظة انهم يكبرونها بزيادة يأنهم يعممون او انهم يغيرون شوي من الواقع بس علشان يشتهرون وغيرة وانا مااشبههم الا بشركات الاعلان ماهمها الا ان يطلع منتجها احسن شي مهما كان ،، ويبعدون عن الواقع ويبعدون عن المصداقية والا وش رايك ^^ Nov. 16
	Faith Faithwrote: السلام عليكم اشلونج عزيزتي مستيكن ما شاء الله منزله بلوقات روعة حسيت اني من زمان عن سبيسك اول شي بكتب عن روايه كبرياء و تكبر.. وتحيز.. وهوى الف ترجمه لها جننونا معهم المهم ذي الروايه درستها بالجامعه و شفتها كفلم تلفزيوني و شريت الفلم حقها بس للحين ما شفته مافي فراغ ابد بس شوقتيني اني اشوفه قريب ان شاء الله بس اجمالا هي روايه رائعه و تحسين انها ابداع بحق و حقيقي مو زي روايه بنات الرياض الله مسلطه الضوء على بنات مدري وشلون صايرات و تقول شوفو بنات الرياض بنات السعوديه بنات الخليج بنات العرب انا بصراحه ضد هذا النوع من الكتابات و عذرا لكل المعجبين برجاء الصانع بس هذا رأيي في الروايه هذي رجاء اشبهها بالمؤلفه فجر السعيد اللي كل رمضان تتحفنا بمسلسل عن انحلال الاسر الكويتيه و طبعا قصصها بايخه و مو حقيقه و تصور الطبقه المخمليه بانها ملائكه و بعيده عن الشبهات و الفقراء هم اهل المعاصي اقول يا شيخة انطمي ب>>>>هذا الكلام موجهه لفجر السعيد و الله انها مفشلتنا بس الشرهه على التلفزيون اللي يعرض مسلسلاتها مع العلم ان تلفزيون الكويت يمنع يعرض اي مسلسل لها احسن يوووووه هذا مو كومنت هذا بلوق <<<مدري ليش احب اكتب في الكومنت اكثر من البلوقات حقتي سبحانك اللهم و بحمدك اشهد ان لا اله الا الله استغفرك واتوب اليك و السلام عليكم و رحمة الله و بركاته شيخة البنات Nov. 15
	Μįstạkéŋ Idέntitýwrote: ههههههههه معليش اسمي شوي صعب ومعقد الكل مستغرب منه :$ هلا والله بأختي داي لايت حياك الله اهم شي ان هذري وتقريري يعجبكم ^^ وايوه الرواية مررره حلوة ^^ تسلمين ياعمري على الكلام الحلو والف الف الف شكر على مرورك الرائع ولا تطولين الغيبة ^.^ Nov. 13
	day lightwrote: السلام عليكم ورحمه الله وبركاته اهلا اختي مستيكن ايدنتتي (اسمك صعب في الكتابه )^^ شوقتني للروايه شكلها حلوه بعد هالتقرير المفصل ننتظر المزيد من البلوقات الرائعه وبالتوفيق اختك Day Light Nov. 12

Trackbacks

The trackback URL for this entry is:

http://mistaken--identity.spaces.live.com/blog/cns!ED3D53EBD47F7BA5!319.trak

Weblogs that reference this entry

None