السلام عليكم ورحمة الله وبركاته

كييييييف الحال جميعاً؟؟

 

من زمااان كاتبه البلوق،، بس مانشرته،، الحمدالله توني انشرة،،

انا كتبته بعد ماشفت الموقع الخاص بــ د.رجا الصانع وشفت الردود في سجل الزوار،، بصراحة استغربت وجتني فكره قلت ليه يامستكه ماتكتبين رايك في الرواية،، يلا وش وراك،، وبديت اكتب،، وتوني انشره،،

وعلى فكره احمدو ربكم ترا هذا البلوق مختصر للي كتبته من زمان هههههه  

واكيد عرفتوا اني بتكلم عن رواية كسرت الدنيا في عالمنا العربي ،، وبالمختصر المفيد خربتها خخخخخخ

 

::: بنات الرياض :::

اكيييييييد كلكم تعرفونها ،،، لان اللي مايعرفها ماراح اقول عنه مو مثقف بس اللي مايعرفها

مو عايش بالدنيا معنا ههههههههههه

 

طبعاً كسعودية الرواية قرأتها مصورة ،، انتشرت بالنت والكل طبعها وصورها

كنت متحمسه اقرأها واعرف الفضايح اللي الناس يقولون عنها،،،

 بكل صراحة توقعت اني ابموووت من الغثة والقهر واني ماراح اكمل الرواية ،،،

 بس كملتها ،، وخلصتها،،

 الرواية بالإجمال كانت ممتعة ،،، استمتعت بسوالف البنات ،، كثير مواقف مستني ،،

 وهي المواقف الاجتماعية من حضور البنات للعروس وجمعاتهم وسوالفهم عن الجامعة ،،

كانوا بنات زي كل البنات،،، وللأسف فيه كثير من مجتمعنا فيه من هالبنات،، وهالبنات ( اقصد شخصيات الرواية ) بقر ،،،

ليه بقر ،، انا اقولكم ليه،، لأن بصراحة المأسي والآلام والماادري ايش كلها صارت من تحت ايديهم هالبنات للأسف، وهم للأسف مايفكرون،،

الا اكيد فيه سوالف مالهم ذنب فيها مثل قمره وزوجها المعتوه،،، وسديم وخطيبها الشكاك اعوذ بالله

 

::: الكاتبة ::: 

بصراحة ماأسميها روائية زي كل الناس مايسمونها،، هي كلها رواية زي كل روايات اللي نقرأها بالنت ،،

 والله فيه منتديات ماتقصر،، والقصص اللي فيها شيء رائعة مرات احس انها صحيح من مجتمعنا،،

فيه ناس محترمة تكتب اشياء محترمة ولاهي محرمة،،

مو تجي تكتب اشياء وتقول البنات السعوديات لهم مشاكلهم مثل زي كل بنات ونساء العالم ،،

 هذا صحيح مشاكل زي اللي زوجها يضربها ،، واللي زوجها لا يصلي ولا يخاف ربه ،، ومن هالاشياء،،،

اما عن المشاكل اللي تكلمت عنها " الدختورة " رجاء هي مشاكل من صنع البنات ،، ومن قلة عقولهم ،،، مثل ليه صديق ميشيل يتركها لانها هي جابته لنفسها اكيد مايثق فيها ومايقدر يتزوجها ومثل سديم وصديقها اللي قالها انه يحبها بس مو ممكن يتزوجها ،، هذا هو الواقع ،، للأسف هم اللي جابوه لنفسهم،،

 

(((شوفوا هنا وش قايلة الدختورة للأستاذ تركي الدخيل في مقابلته معها في برنامج إضاءات)))

 

د. رجاء الصانع: هذه رواية وإبداع يعني ما هو ضروري أن الشخص يعرف الكاتب من خلال الرواية، ما هو ضروري يعرف من هي رجاء الصانع، لازم يعرف قمرة وسديم وميشيل ولميس ما يعرف رجاء الصانع، رجاء الصانع بعيدة عن الرواية، أبدعت في صناعة الشخصيات
تركي الدخيل: تعتقدين أنك أبدعتِ في صناعة الشخصيات، هو مرة أنت معجبة بالرواية يعني..
د. رجاء الصانع: أنا والله فخورة فيها وأحس إني اشتغلت على شيء..
تركي الدخيل: بس شو هالتواضع العظيم؟ يعني أبدعت وإبداع وأن الرواية..
د. رجاء الصانع: لأ، الرواية أبغى أوصل فكرة أنها عمل فني يمكن أستخدم كلمة إبداع لأن الفن إبداع، العمل الفني بشكل عام ليس خطاباً سياسياً وليس يعني رسالة اجتماعية، العمل فن، هذه رواية هي عمل فني، فيه خيال، وفيه مثل اللوحة اللي الفنان يرسمها..

==============

تركي الدخيل: ما غيّرتي فيها شيء، أي شخصيات الرواية الشخصيات الأربع تعتقدين أنك قريبة منها نفسياً؟

د. رجاء الصانع: أنا قد أكون قريبة من الأربعة، وقد أكون يعني أختلف معهم في أشياء كثيرة.

تركي الدخيل: يعني لو أعرف أنك قد تكونين كده وقد تكونين كده، أنا أسألك سؤالاً محدداً أنه وش الشخصية التي تعتقدين أنك أنت قريبة منها شخصياً هل قمرة ولا سديم ولا لميس ولا ميشيل؟
د. رجاء الصانع: في الأحداث يمكن يعني كوني طبيبة يمكن الناس ربطت بلميس كثير، ولكن أنا يعني أسلوب لميس طريقتها في الحياة مختلفة عني كثيراً، يمكن فيني شوية من يعني تديّن قمرة، فيني من عقلانية ميشيل أو قوتها، فيني من رقة سديم، يعني فيني من الأربعة.
تركي الدخيل: أخذتِ كل شي زين من كل وحدة ما شاء الله، أهنيك على تواضعك برضه..

د. رجاء الصانع: شكراً جزيلاً

===============

كككككككك >>> احم احم الموهيم

نرجع واقول اجل هي فخورة،، اذا هي فخورة اكيد هي فخورة بالمعجبين المئات من كل انحااااء العالم العربي،،

وش رايكم ،، اكيد اختي رجا فخورة بالردود هاذي الموجوده في موقعها الإلكتروني،،

لا تفوتكم ،،

 

::: معجبين بالألوف...وردود غريبة :::

(1)

نحن ما نقدر نظلم أختنا رجاء لأن مافي أي دليل ضدها وبعدين هي كاتبة جديدة وروايتها تعد إنجاز كبير لها ولنا كأمة إسلامية لأنها تناولت موضوع من أكثر المواضيع انتشارا في مجتمعاتنا وكان المفروض من زمان كل شخص يساهم بما يقدر عليه للتصدي لمثل هالآفات..............اللي نشوفه ولا شي من الواقع اللي نعيشه...(للاسف)

أتمنى لك التوفيق في كتابة مزيد من الروايات التي ترضي الرب وترضي رسوله الكريم

 

ابي افهم،، وشو الأنجاز الكبير لنا كأمه إسلامية،، بالله وش سوت الرواية !! وبالله كيف تصدت لهالأفات بالله كييييييييييييييف ؟؟؟؟!!!

يعني تتوقع كاتبه الرد الكريم ان الرواية  أرضت الرب وارضت الرسول ،،

كيف والرسول عليه الف الصلاة والسلام موصينا بعدم المجاهرة بالمعصية !!!!!

 

(2)

السلام عليكم
تحية تقدير و احترام لكاتبة صغيرة في السن كبيرة في المضمون
رواية جميلة ورائعة كروايات عبير اللي كانت تقراهم قمرة
مع اني ما كنت اقرى روايات عبير بالعربي واقراها بالفرنسي
اهنئك على موضوعيتك و على صراحتك و على اسلوبك الشيق في سرد الاحداث بطريقة انترنيتية جميلة
قصة جميلة جدا و احداث مبكية و محزنة و مفرحة في بعض الاحيان
للاسف هذا حال البنات و الشباب في كل انحاء العالم مو بس في السعودية او الرياض
و اكيد الاغلبية عجبتهم لما شافوه فيها من واقعية سواء في الحياة العادية او على صفحات الانترنت
اهنئء و الى الامام و في انتظار المزيد من رواياتك الجميلة و التي اتمنى انها تاخذ نفس الاسلوب و الطابع حتى تفضل رجاء ذات الاسلوب الالكتروني راسخة في الذهن

 

ههههههههههههههههههه ايه صح قالتها روايات عبيييير،، صح هاذي البنت جابتها هههههه

(3)

بصراحة... بصراحة
يعطيك الف عافية على هذه الرواية الشيقة و الجميلة، انا امريكية لكن عايشة في بلد خليجي لكن اصلي من دولة من دول المغرب العربي، لما رحت هذا الصيف خليت كل من يصير لي يقرا الرواية و لكن ما صدقوا ان هذا الشي صحيح و يصير في بلاد الحرمين
اتمنى منك مزيد من الروايات

شوفوا وشلون الناس مبسوطه ،،، في شي طلع علينا ،، للأسف مايفهمون أن أي مجتمع فيه الشين وفيه الزين ،، مهما كان مافيه شي كامل الا وجهه سبحانه ،،

(4)

اتمنى للك التوفيق............... وارجو ان تكون روايتك التالية مشكلة العنوسة والزواج بالمملكة ....حيث العقلية المتحجرة والمتخلفة التى ساعدت على هذا الكم الهائل من العنوسة ....وكذلك خيانة البعض لزوجاتهم عن طريق الخادمات او الرحلات السياحية للخارج اغيرها.....ذلك لمعرفة اسباب المشكلة ودوافعها وعلاجها....

الحين خلوها تحل مشكلة البنات والشباب وسوالفهم البايخة،، وبعدين وش هاذي،، صارت مصلحة إجتماعيه على غفلة ،،، بعدين لا يفوتكم ،، ترا الاخ اللي كاتب هالتعليق من السووودان

 

(5)

قصة جريئة رائعة...كل التمنيات لك بالتوفيق
اتمنى ان تفتح الرواية انغلاق المسلمين اجمع

!!!!!!!!!؟؟

(6)

السعودية كلها تفتخر بك يا دكتورة يا اديبة رجاءالصانع
ولا تستغربي يا اخت رجاء انني اتمنى ان تخرج فتاة من بلدي العراق بهذه الجراة والعفوية والصدق في التعبير لتخرج للعالم عيوب المجتمع العراقي ومشاكل نساءه وشبابه ولن اشعر بالعار او الخجل لو كان بمجتمعي الف عيب مسكوت عليه و تم الكشف عنه برواية بسيطة وعفوية مثل روايتك
الغلط ليس بكشف المستور وانما بالتستر على الاستمرار بالغلط

الغلط اننا نكشف المستور ونخليه عايم ،،

(7)

رواية رائعة جدا ولقد كنت اقراها وابكي على اخواتي السعوديات واتمنى ان يتوقف ظلم المراة باسم الدين والتقاليد في بلدي العراق وفي السعودية وكل البلدان العربية والمسلمة

واتمنى لك الموفقية اختي رجاء واتمنى ان اقرا روايتك التالية لاحد المشكلات الاخرى الدفينة التي تعصف بالانثى المضطهدة في السعودية وكل مكان
وسدد الله خطاك في كشف الحقائق بدلا من دسها تحت الخمار والعباءة السوداء بحجة الدين والفتنة

 يعني الحين كل الاخوات السعوديات مظلومات ،،

صارو العالم كلهم يبكون علينا!!!

 

هاذي الطبقة المخملية على قولهم ،، سفرات على كيف كيفهم،، ولوحدهم،، طلعات للسوقة في آخر الليل ولوحدهم ونصهم لابسين ثياب و متنكرات خييييير ان شاء الله ،،

 

يعني كلنا صرنا كذا !!!!! للأسف الشديد صار لأني انا مااطلع واخربها واكلم شباب وغير كذا من المصايب طلعت متخلفة ومضطهدة واهلي ضايقين الخناق علي!!!!! بالله هذا كلام !!

 

::: الرواية :::

الرواية بالنسبة لي لاتسمى رواية،،

على قولة واحد في سجل الزوار تبع موقع الاخت رجاء " انتي تتكلمين بالعامي زيادة عن اللزوم ،، هذا الاسلوب اسلوب حكواتي "
وهو صادق ،، ماهو اسلوب ادبي،، له وزنه في الأدب،،،
لغة ركيكة ،، لايوجد قوة في النص ،،
مجرد سوالف ،،

ومن وجهة نظري ان الرواية لاقت هذا النجاح الباهر ،،

اولاً نتيجة لإختيار الأسم بنات الرياض اييييييييوه الكل يبغا يعرف عن بنات الرياض والسعودية ووش سوالفهم ،،، علشان كذا صارت الرواية ناجحة وصارت الاكثر مبيعاً في 2005 ،، الكل يبغا يعرف عن هذا المجتمع المنغلق ،، وصدقوني لو الرواية كتبت عن الشريحة المختلفة من بنات الرياض اللي عايشين حياتهم عادي ،، جامعة ودراسة وهم ومغامرات الجامعة والامتحانات والاستاذات ،، والبيت ومشاكلة العادية اللي لايخلو بيت منها ،، والسوق والتخفيضات وغيره ،، والعزايم والعروس والاجتماعات وووو والبنات اللي مايعرفون الحب والاختلاط الا يسمعون عنه من الافلام والروايات ،، كان الرواية لاقت صدىً اقل،،
 بس الذكية الاخت رجا اضافت ،، خرابيط مواعدة الشباب والحب ومشاكلة وماادري ايش والتي يتصف فيها شريحة من المجتمع السعودي،،

 ::: ماعجبني في الرواية :::

أكثر شي عجبني ،، الاقتباسات اللي في اول كل فصل ،، كانت رائعة،، كنت بصراحة استغرب كيف بنت تكتب رواية بكل هذا السخف والضعف في النص،، تمتاز بهذه الثقافة العالية ،، كنت اقول ياريتها كتبت بالعربي الفصحى ،، مثلاً زي قماشة العليان تكلمت عن مشاكل المجتمع ،، واتصفت رواياتها بقوة النصوص،،

زي ماقلت الرواية مستني كثير كفتاة سعودية،، فيه اشياء ضحكت عليها وفيه اشياء ضيقت صدري،، هي مجرد سوالف إنترنتية ،، ومااقول الا ،، ارفعت ضغطي للأسف اكثر من لا وسعت صدري،، بس مشى الحال وكملتها،، 

ومعليش طولت عليكم ،، انا آسفة وكان ودي اكتب اكثر واكثر واكثر ،، وان شاء الله يكون هذا البلوق ممتع لكم ،،
وياريت ماتقرون وبس ،، ابغى كومنتس ( تعليقات ) تكسر الدنيا ههههههه

 

وحياكم الله

 

موقع العربية: برنامج إضاءات. 

موقع رجا الصانع: علشان سجل الزوار لووول